الجمعة، 23 مايو 2008

إكتئاب أحادي البؤرة


_ " هو أحنا معقدين زيادة عن اللزوم ؟ "
ولما صمتت طويلاً أيقنت أنها تسأل .. لا تقول جملة تقريرية .. أضفت علامة الإستفهام في رأسي , وأنا أكاد أتكلم , ثم أصمت , وأحرك رأسي قليلاً لأتيح لدماغي التفكير في السبب الذي يدعوها لتسأل السؤال بـ " إحنا " , في حين أنني لست من يشكو منذ نصف ساعة ..
ارتديت سمت الحكيم .. استطالت لحيتي البيضاء كثيراً , وأصبحت أرتدي الآن هلاهيل بيضاء ..
ثم قررت أن هذا سخيف جداً .. بل وتقليدي .. لماذا لا يرتدي الحكيم ملابساً أنظف قليلاً , دعنا من الصوفية الآن رجاء ..
عدت لملابسي السعيدة , ابتسمت بسمة الحكماء , وأنا أقول :
_ " شوفي .. "
ثم أضع قدماً فوق قدم , بإعتباري مثقف تقدمي , ما بعد حداثي , حيث هذه الجملة تحديداً توحي بالكثير من الكلام غير المفهوم ..
ولما نظرت لي منتظرة .. بدأت أحرك يدي حركات دائرية وأنا أمط شفتي , كثيراً كثيراً .. وأبحث عن شيء أقوله ..
طال البحث أكثر مما توقعت , عندها قلت لها في إستسلام وأنا أنظر بعيداً :
_ " في حاجة غلط " .

هناك 8 تعليقات:

غير معرف يقول...

أحمد جمال .. لحظة ما قريت المدونة الجديدة حسيت بالتغيير الكبير الموجود..مش عارف ، ممكن شكل المدونة..ممكن اسمها.. ممكن علشان مش قابلتك بقالي كتير..بس الموضوعات حقيقي اتغيرت..حسيت بكل موضوع قريته..مفيش ولا كلمة قريتها إلا ولقيتها معبرة قوي..وفي مكانها قوي..أعتقد إن دي بداية مرحلة جديدة في حياتك..خليني أقول مشوارك..بالمناسبة..سمعت موسيقى القهوة الشعبية على المدونة..وأخيرا حسيت بيها!! فهمت ليه كنت مصمم تسمعها ليا دايما..ربنا يوفقك في امتحاناتك الجاية..واللي فاتت برضه!آه.. بالمناسبة أنا أحمد صلاح الدين..أنا ..متصور خيبة الأمل والغيظ اللي جواك دلوقت..كنت فاكرني أكيد حد تاني..! ياللا..خيرها في غيرها..أشوفك على خير..سلام.

غير معرف يقول...

وله..انت مش رديت على رسالتي ليك ليه!؟؟؟؟؟؟ أه يا.......... أنا مين ؟ وكمان مش عارف أنا اللي كتبت ليك التعليق اللي فوق !!!.

أحمد جمال يقول...

يا نهار أحادي التماثل يا جدعان .. أبو صلاح إبن الناظر :)

يا مر حب يا مرحب

شوف .. بالنسبة للرد الأول أنا فعلاً مش هتكلم معاك دلوقتي .. لما اشوفك بس :)

أما عن الرد الثاني , فأنا فعلاً كويس اني فاكر اتنفس
بس والله يا أحمد رسالتك صنعت يومي بالمعنى الحرفي ..
تسلم يا باشا ..
ربنا معاك

عمرو عزت يقول...

و ده مدخل كويس و "مثقف" لمناقشة الموضوع.
وافينا بآخر التطورات
:)

أحمد جمال يقول...

بيني وبينك يا عمرو , بدأت أحس ان كلمة "مثقف" دي خدعة كبييييرة اوي
:)

هز كتاف كتابة شديدة الجمال بالمناسبة ,رغم عنف الموضوع الشديد ..

أحمد عبد الفتاح يقول...

:)

عمرو عزت يقول...

إنت كده متلخبط بيني و بين شقيقي الشاعر صاحب : هز كتاف

:)

أحمد جمال يقول...

إحم ..

أنا كدا منظري وحش اوي يا عمرو

معذرة يا عمرو انا فعلاً لخبطت ..
منور تاني يا عمرو
:)

المتابعون