الأربعاء، 31 أكتوبر 2007

يا ولاد بلدنا يوم الخميس

.. مسرحية تليفونية من مشهد واحد
** ** ** **
الشخصيات :
أبو صلاح : فتى مهذب في السنة السادسة من كلية الطب , وهو الآن فترة الإمتحانات المقيتة ..
أحمد : أنا يعني
** ** ** **
أبو صلاح : ألو ..
أحمد : ألو .. أزيك يا أبو صلاح .. أنا أحمد
أبو صلاح : أزيك يا بني عامل ايه ؟
أحمد : تمام الحمد لله .. ها .. عملت إيه في إمتحان النهاردة ؟
أبو صلاح : إمتحان إيه ؟!
أحمد : أنت مكنش عندك إمتحان النهاردة ؟
أبو صلاح : إمتحان إيه يا جدع انت بس ؟!
أحمد : إمتحان آخر السنة بتاعكوا دا ..
أبو صلاح : إمتحاني يوم الخميس يا فالح
أحمد : امممممممم .. أنا كدا منظري وحش أوي ..
أبو صلاح : تقريباً
أحمد : طيب مش مشكلة يعني .. عملت ايه بقا في إمتحان الخميس الجاي ؟!
يضحك أبو صلاح , ويفرح أحمد
** ** ** **
أحمد : أنا بدعيلك على فكرة يا أبو صلاح
أبو صلاح : ما هو دا اللي جايبني ورا
يضحك أحمد , وأعتقد أن أبو صلاح يفرح
** ** ** **
أحمد : سلام يا عمي
أبو صلاح : سلام يا أبو حميد
** ** ** **
ستار
** ** ** **
ملحوظة لا علاقة لها بالمسرحية :ربنا معاك
ملحوظة ثانية لا علاقة لها بالمسرحية ولا بالملحوظة السابقة : العنوان من أغنية شعبية غبية يكرهها أبو صلاح :)

المتابعون